بحبك - جمال بخيت

من الاغانى اللى بحبها اوى و هى من كلمات الشاعر جمال بخيت و الحان احمد الحجار و غناء على الحجار



بحبك وانطلق عصفور
وأسبح في الهوا والنور
وأملا الكون بأغانيا
ولو كان الجناح مكسور

أحبك تستكين الريح في قلبي
والأماني تصيح بحبي
وأعشق التصريح
ودربي في الضلام مغمور

أحبك تبتدي البدايات
تاخدني ضحكتك بالذات
تعيدني روح وقلب وذات
تزيدني كشف للمستور

أحبك ضي روحي يبان
وأعبر ضلمة الحرمان
وأهجر غابة الأحزان
وأحقق حلمنا المسحور