إجمالي مرات مشاهدة الصفحة

الثلاثاء، 27 يوليو 2010

رساله الى حبيبته للشاعر عبد الرحمن بن مساعد




انا من عادتى محبش شعراء الخليج جايز عشان ملهمش شهره كافيه فى العالم العربى و بيقتصروا على الخليج بس
بس و انا كده بقلب فى اغانى على الحجار سمعت قصيده بتاعته اسمها رساله الى حبيبته فسمعتها عجبتنى و هى بتقول


إنه أمامي .. العاشق الأصدق
في صمته المُدوي .. يبُثني شكواه
إنه يحب .. وحبه في هذه الدنيا
هو الأصدق

إنه أمامي .. يا لها من نظرةٍ حزينة
تحجب النهار .. تطل من عينيه
يا لها من وجنتٍ في دمعته
يقرأ في ملامحها الضياع
كأنها بحّار قد اٌنسي العوم
ومن حوله تنهد الموج
ولا يرى مرساه

إنه أمامي ساءت في طباعه .. الطباع
لا يقبل اللوم .. يبكي على ليلاه
إنه أمامي يا لها من قصةٍ حزينة
تطل من عينيه
تطل من عينه تلك .. سنينه العجاف
والذكرى
وتلك التي أحبها .. سنين
تلك التي رمت به في البحر
ومع غيره ركبت سفينة
وتركت له المجداف للذكرى

أحمق
يا له من أحمق هذا الذي أمامي
العاشق الأصدق
لها هذه الرسالة
لمن علمته الصبر والغضب
لها لعلها تلقى من الإحساس ما يكفي
لكي ترثي حاله
لها لعلها تعلم إنه إن أدبرت
أو أقبلت هالكٌ .. هالكٌ
لا محالة

لمن علمته الصبر كتبت هذه الرسالة
كتبتها ألقيتها في ماء هذا الغاضب الأزرق
في البحر
كتبتها كي أنقذ الأصدق
هذا الذي أمامي العاشق الأصدق

كتبت في الرسالة .. تحياتي حبيبته سلامي
إنه أمامي .. له من المتاعب ما يكفي لكي يعشق
فجرحيه بأن تريحيها ..
له روحٍ أبت إلا على يديك أن تزهق
فقتليه بالرحيل .. أو تعالي وأزهقيها
لمن يحب كتبت هذه الرسالة
فعلت ما علي كتبتها .. ألقيتها
في ماء هذا الغاصب الأزرق
في البحر
كتبتها كي أنقذ الأصدق
هذا الذي أمامي العاشق الأصدق

يا صاحب لا اعرفه في الشاطئ الآخر
لربما ستلقى ما كتبت
لربما ستقرأ الرسالة
اقرأ من الأخر .. إن كنت تعرف من يحب
خذها لها .. وقل لها إن الذي أمامي
لا.. لا.. لا
يا صاحبا لا اعرفه مزّق الرسالة
مزق الرسالة واضحك على المأساة
اضحك على المأساة
عرفت من أمامي ..
إنها المرآة



و دى بصوت الشاعر

http://www.6rbtop.com/listen.php?song_id=17361&type=au&q=hi

الأربعاء، 14 يوليو 2010

الليله الكبيره كما كتبها صلاح جاهين


بنات :
قبة سيدنا الوالي دي نوروها
محلا البيارق و الناس بيزوروها
قبة سيدنا الوالي في الجو عالية
محلا البيارق لما دوروها

بائع :
حمص حمص تل ماينقص
ع النار يرقص يرقص و يقول
اللي شاف حمص و الا كلشي
حب و اتلوع و لا طالشي

فتاه
يسترك هات حبة بقرش

الجميع :
ها ها ها ها ها ها

البائع :
فريره للعيل يا بو العيال ميل خدلك سبع فرارير

بائع اخر :
زماره شخليله عصفوره يا حليله طراطير ياواد طراطير

الجميع :
طراطير طراطير طراطير

شحات :
يا مسلمين يا مؤمنين لله
ده كل مين يفعل جميل يلقاه
بركه ولى له فى الشفاعه جاه
لله لله لله

المعلم :
الليله الليله السيرك تعالوا فرجه تساوى جنيه قولوا هيه
بمناسبه المولد يوجد برنامج سواريه
قولوا هيه قولوا هيه
في السيرك شجيع يهجم ع السبع
ويركب دوغري عليه قولوا هيه
وبنات قمرات زي الشربات
حلوين مش عارف ليه قولوا هيه

الجميع :
الله حى الله حى

المنشد :
شفت ف منام صاحب المقام ده ابهه

الجميع :
الله حى الله حى

المنشد :
ويمامه حايمه عليه تسبح ربها

الجميع :
الله حى الله حى

المنشد :
ميلت فوق ايده و جيت احبها

الجميع :
الله حى الله حى

المنشد :
صحونى من النوم خدت بعضى و تنى جى


الجميع :
الله حى الله حى

لاعب البخت :
فتح عينك تاكل ملبن
فينك فينك تاكل ملبن
إوع لجيبك لا العيب عيبك
قرب جرب تاكل ملبن
نشن وسطن إيدك و سطن
إضـــــــــرب

البندقيه :
طاخ

اللاعب :
يحميك يا بني تبقى غالبني
قرب خدلك حتة ملبن

نداءات :
طعميه . اراجوز .عجميه باللوز

الجميع :
الليلة الكبيرة يا عمي و العالم كتيرة
ماليين الشوادر يابا م الريف و البنادر
دول فلاحين و دول صعايدة
دول من القنال و دول رشايدة
الليلة الكبيرة يا عمي و العالم كتيرة

عجوز :
إسعى إسعى إسعى إسعى

المصوراتى :
خدلك صورة ستة في تسعة

عجوز :
إسعى إسعى إسعى إسعى

قهوجى :
ياسي عجورة النار خسعة

فلاح :
ناس من بلدنا هناك أهم
روح يا براهيم انده لهم
(يتعانقون )
سلامات سلامات سلامات
على البلديات

فلاح :
دى الحضره و الذكر انجلى
يالا بنا نذكر يا ولا

داخل السيرك

المدرب :
أنا شجيع السيما أبو شنب بريمة
أول ما أقول عالي هوب و أصرخ لي صرخة
السبع يتكهرب
و يبقى فرخة
حالاً بالاً سأصارع
أسد إنما إيه متوحش
وح خلي وجهه شوارع
تسقيفة يا ناس مايصحش
أهو جه أهو جه تسقيفة بقا
تسقيفة أمال
تشجيعة أمال
تعالالي الالي اللالي يا حبيبي تعالالي

بائع :
السمك مقلي كل و برقلي صنف زي الفل

بائع :
استخار و إختار فشة أو ممبار
يالا سمي و كل

زفه المطاهر

النساء :
يام المطاهر رشى الملح سبع مرات
فى مقامه الطاهر خشي
و قيدي سبع شمعات

أطفال :
يا عريس يا صغير
علقة تفوت و لا حد يموت
لابس و مغير
و هتشرب مرقة كتكوت

فى القهوه :
المعلم :
بالزمة دة سابع عيل
مزفوف من وقت قليل

القهوجى :
مولد شالله يا معلم
عقبال أولادك

المعلم :
كلم

نداءات :
واحد مظبوط و إتنين مصري

القهوجى :
ع النار حاضر جايلك دوغري

(يوزع التحيات على الزبائن منشدا )

مسا التماسي مسا التماسي
ياورد قاعد على الكراسي

نداء :
هات شاي يا دقدق

القهوجى :
عيني و راسي

يدخل الريس حنتيره مغنى القهوه الصعيدى

الجميع :

سمعنا يا ريس حنتيرة
للصبح معاك السهيرة
سمعنا سمعنا

المغنى :

يا غزال يا غزال
ده العشق حلال
دوبتني دوب
خلتني خيال
يا شفتك فص فراولة
و أنا لا قوة و لا حول
شقلبتلى عقلى على اولة
أه يا غزال
يارب يا عالم بالحال
تهدي حبيبي و يصبح عال
و أغني و أرفع بالموال
و أقول يا غزال

المعلم :
وقف ياريس حنتيرة
في ناس هنا قاعدة كتيرة
ولا حد قال هات تعميرة و
لا واحد شاي
اللي ح يطلب راح يقعد
و اللي ما يطلبشى يبعد

زبون :
يالابنا نخرج يا مسعد
شارع التورماي

الاخر :
إوعد يارب إوعد
أدي كمان قهوة

الاول :
يالابنا يا مسعد ندخل على سهوة


فى القهوه الثانيه

الغازيه :
طار في الهوا شاشي و
إنت ما تدراشي
طرفه شاورلي شاورلي عليك
حكم الهوا ماشي
هوا العصاري ياواد
على سطح دارى يا واد
خدني و رماني عليك و لا إنت داري
أهين يا ناري منك يا جاري
خدني ورماني رماني عليك هوا العصاري


صاحب القهوه :
اللي هيطلب راح يقعد
و اللي مايطلبش يبعد


الزبون :
يالابنا نخرج يا مسعد
شارع التورماي

لعبه زق الطاره

صاحب اللعبه :
ورينا القوة يا بني إنت وهو
مين عنده مروه و عاملي فتوة
يقدر بقدارة على زق الطارة و يفرقع بمبة

شاب :
وسع وسع وسع وسع
أنا أزق الطارة و أضرب ميت بمبة
دانا الاسطى عمارة من درب شكمبة
سيطي من القلعة لسويقة
أنا واخد السمعة

الجميع :
طب يالله تعالى

الشاب :
لا ياعم سعيدة دي البدلة جديدة

الجميع :
هأأأه سعيدة يابو بدلة جديدة

سيده :
ياولاد الحلال بنت تايهة طول كدة
رجلها الشمال فيها خلخال
زي دة

رجل :
زحمة يا ولداه
كام عيل تاه؟؟

الجميع :
الليلة الكبيرة يا عمي و العالم كتيرة
ماليين الشوادر يابا في الريف و البنادر

السيده :
ياولاد الحلال

ستار

هنا القاهره لسيد حجاب


هنا القاهره القاهره القاهره
هنا القاهرة الساحرة الآسِرة الهادرة الساهرة الساترة السافرة
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الصابرة الساخرة القادرة المنذرة الثائرة الظافرة

هنا القاهرة
صدى الهمس في الزحمة و الشوشرة
أسى الوحدة في اللمة و النتورة
هنا الحب و الكدب و المنظرة
نشا الغش في الوش و الإفترا
هنا القرش و الرش و القش و السمسرة
هنا الحب و الحق و الرحمة و المغفرة

هنا القاهره القاهره القاهره
و انا ف قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة و رزينة
بحبّك و اعفّر جبيني في ترابك


و اعيش في رحابك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك بحبك بحبك يا بنت اللذين
بحبّك

هنا القاهره القاهره
هنا النيل يسيل و بحنانه النبيل يروى جيل بعد جيل يقهر المستحيل
هنا الاهرامات واقفه تحكى بثبات ذكريات اللى فات لابن مصر الاصيل
هنا مارجرجس بسيفه يبرجس و يهرس فى ابليس و يشفى العليل

هنا القاهره القاهره القاهره
تدور طواحين السنين قلبات نعيش دوارين من الميلاد للممات نقيم سقلات انشاءات
معجزات و ندى الوجود انبياء و رسلات
و من عشقنا للحياه و البنا و النبات واجهنا رياح الفنا بنبضه الاغنيات

هنا القاهره القاهره القاهره
هنا تاج بلادنا هنا الالف مدنه و مدنه قصادنا هنا
هنا سوق بلادنا و زادنا قصادنا حصادنا قصادنا هنا
هنا شوق ولادنا همومنا عددنا و احلام تزيد عن عددنا هنا

هنا القاهره القاهره القاهره
هنا الضد بالضد باب و استبد
متعرف مرارنا هزار و لا جد
و ده نهار عمل و لا جمعه و حد
و لا حد خد باله من اى حد
حياتنا هنا حاره سد و سؤال ما له رد
لكن ورده الغد فرده على كل خد

هنا القاهره القاهره القاهره
و انا ف قلب دوامتك الدايرة بينا
بصرّخ بحبّك يا أجمل مدينه
يا ضحكة حزينة .. يا طايشة و رزينة
بحبّك و اعفّر جبيني في ترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك يا بنت اللذين

فاكر الاغنيه دى

كل واحد و هو صغير كان ليه اغنيه بيفصلها بيحبها
زمان و انا صغير ( حتقولوا منتا صغير ) لا قصدى لما كان عندى 10 سنين كده
كان فيه اغنيه كارتون بيتيجى على القناه الاولى و التانيه بتاعه راجل و ست راكبين عربيه بحصان سايقها أسطى حد فاكرها

و هى عباره عن محاوره بين 3 افراد
سيده
ورجل مرافق ليها
و الاسطى صاحب الحنطور

الـجوز الـخيـل
------------------
الاسطى
الجوز الخيل والعربية
انغامهم كلها حنية


السيده
سوق يااسطى لحد الصبحية


الاسطى
على راسى ياهانم وعـنيا


السيده
الاسطي عاجبني يا ماحلا غـناة
والدنيا يا روحي ماهيش سايعاه
فرحان بالخيل اللى مهاوداة
وحياته فى الدنيا هنية
سوق ياسطى لحد الصبحيه


الاسطى
على راسى ياهانم و عنيا


الرجل المرافق للسيده
ان شد السرعة بايده يمين بيحودوا زى البنى ادمين
وان شد شمال


الاسطى
برضك فاهمين


الرجل المرافق للسيده
قايمين بواجبهم وشوية
سـوق يا سطى لحد الصبحية


الاسطى
خدامك انا والعربية
الجوز الخيل..والعربية
انغامهم كلها حـنية
يشـتغلوا عليها الالاتية
وانا سايق الخـيل والعربية


السيده
سـوق يا اسطي لحد الصبحية


الاسطى
علي راسي يا هـانم وعـنيا


السيده
علي واحدة ونص الخـيل مـاشيـين


الرجل المرافق للسيده
وانا اغني واقول ياليل يا عـين...يــــا عـيـن


السيده
سـوق يـا اسـطـي لـحـد الـصـبـحـيـة


الاسطى
علـي راسي يـا هــانـم وعـيـنـيـا


الاسطى
الجوز الخيل..والعربية
انغامهـم كلها حنية
يشـتغـلـوا عـليها الالاتـيـة
وانا سـايـق الـخـيـل والـعـربـيـة


السيده
سوق يااسطى لحد الصبحية


الاسطى
على راسى ياهانم وعـنيا


الرجل المرافق للسيده
سوق يااسطى لحد الصبحية

الاسطى
خدامك انا والعربية

يارب تكون عجبتكم

و لمشاهده الفيديو
مرفوع على اليوتيوب على الرابط ده

لمشاهده فيديو الاغنيه

http://www.youtube.com/watch?v=70v5M0uwYC4

الخميس، 8 يوليو 2010

لما قبلتها يوم و انا ماشى


مش عارف على الرغم من ان الاغنيه دى نازله بقالها اكتر من خمس سنين تقريبا لكن بحبها اوى و اللى ميعرفهاش دى بتاعه فريق واما فى تانى شريط ليهم ن مش عارف بحب الاغنيه جى جايز عشان حاسس انها واقعيه ، حبيب ساب حبيبته او العكس ، فى مره و هو ماشى فى الشارع قابلها اتردد انه يسلم عليها و لا لاء يكلمها و لا لاء ، و اخد قراار انه يسلم عليها و قرب و مد ايده و عينه جت فى عينهيها تجاهلته و مشيت اسيبكم مع كلمات الاغنيه


لما قابلتها يوم وانا ماشي
قلت ياريت اليوم ده ماجاش
كان شيء صعب عليّه حقيقي
اعمل نفسي مابعرفهاش

يومها ماكناش بس اتنين
كان ناس تانية كتير ماشيين
كنت ساعتها في عز الحيرة
لحظة وعدت زي سنين
قلت انا حمشي قوام طوالي
واعمل نفسي مخدتش بالي
بس ازاي يجي يوم واتنكر
من اللي زمان كان كله امالي

هي اكيد كان راح تتألم
لو عديت من غير مااتكلم
وعشان كده انا خدت قراري
لما تقرب اقف واسلم

ضاع من قلبي اللي مخوفني
لما شافتني وقلبها شافني
اتبسمت ومديت ايدي
عملت نفسها ولا تعرفني

مش باقى منى



من القصايد اللى عجبانى اوى قصيده أسمها مش باقى منى صاغها بحرفيه جمال بخيت و طلع حته قصيده بتوصف حال مصر فى فتره قريبه اوى و استخدمها ببراعه خالد يوسف فى فيلمه دكان شحاته و أخد أجزاء منها تتناسب مع مجرى الفيلم و غناها بروعه أحمد سعد اسيبكم مع القصيده الاصليه لجمال بخيت



مش باقي منى غير شوية ضى في عنيا
انا حدهملك وامشي بصبري في الملكوت
يمكن في نورهم تلمحي خطوة تفرق معاكى بين الحياة والموت
مش باقي منى غير شوية نبض في عروقي خدي وعيشي
وافتح لي تابوت افرح بريحه ورد فرعوني وربنا في عوني
إذا دخلت الجنة ولا النار حشتاق لضحكتك وقعدتى في الدار
والقهوة متحوجه من طيبة العطار
في كل يوم الصبح اشرب حليب قبطي
وفى النهار والمسا امسك ستار الكعبة لو سبتي
واثبت اذا هربتى
اهديكى عمري وحسي وجوارحي
اهديكى جرحى هو إلى باقي في دنيتي لما خلص فرحى

مش باقي منى غير شوية لحم في كتافى
بلاش يتبعثروا في البحر
بلاش يتحرقوا في قطر الصعيد في العيد
بلاش لكلب الصيد تنوليهم
خدي إلى باقي من الأمل فيهم
وابنيلى من عظمهم في كل حارة مقام
وزورينى مرة وحيده لو كل ألفين عام
إلم الجراح يتلم


مش باقي منى غير شوية دم
متلوثين بالهم مرين وفيهم سم
كانوا زمان شربات والنكتة سكرهم
شربتهم الخفافيش في إلب أوكرهم
مش باقي منى غير شوية دم مقدرش اسقيكى مواجعهم
ويرضوا مقدرش ارميكى وأبعهم
يمكن في مرة تعوز تطلبيني شهيد
حاحتاج يميها الدم يمضى على شهدتى
مش باقي منى غير شوية قوة في إرادتي
على شوية شعر من خطى
حسبي عليهم وأنتى بتخطي
وأنتى في صبح الدلال بتعطري شطي


مش باقي غير شوية ضى في عنيا
انا مش عاوزهم
لو كنت يوم حالمحك وأنت بتوطى
في معركة مفيهاش ولا طيارات ولا جيش
وأنت في طابور العيش
بتبوسى أيد الزمن ينولك لقمة من حقك المشروع
مش باقي منى غير شهقة
شهقة في نفس مقطوع
بفتح لها سكة ما بين رئة وضلوع
ما بين غبار ودموع
وأنا تحت حجر المقطم في الدويئة بموت
أنا والعطش والجوع
يئن تحتي التراب
وأنا صوتي مش مسموع
يا حلمنا الموجوع من المرور ممنوع
مستني لما يمر موكب سلاطينك

مش باقي منى غير شوية رحمة من طينك
على شوية صبر من دينك
مش باقي منى غير حبة غنا تايهين
في الضلمة مش لاقين حس الفواعلية
ولا صوت مركبي عفي فوق المعدية
ولا صوت بناتي العذارى في كل صبحيه
والغنوه أمنية يما نفسي أقابل حبيبي
وأنا على الزراعية صوتك وصوتهم غاب
وأنا تحت حجر المقطم بموت لوحدية
الليلة راحت عيوني تطل على البستان
وجناين الرمان رجعت لي توصف عناد الغل والدخان
وسحابة سوده تضلل على الغنا الغلبان
رجعت لي توصف هبوب الموت على الألوان
رجعت لي توصف خيال الذل في موائد الرحمن

مش باقي منى غير شوية كفر بشروقك
وأنا منبع الإيمان
مش باقي منى غير شوية ضى
وعنيا مش قادرة تلمحنى
في وحدتي محنى
خايف أموت من الخوف والضعف يفضحني
السجن عشش في قلبي وماشى في شوارعك
نفس إلى بعني وخدعني بالرخيص بيعك
أشيل حمولى أنا ولا أشيل حملك
ماعدت املك شيء فيكى ولا فيا
ولا قيراط ولا بيت
ولا نسمة صافية تلاغى النيل بحريه
مش باقي منى غير شوية حب جرحني
ولا باقي منى غير شوية ضى في عنيا

و ده اللينك بتاع القصيده بألقاء جمال بخيت


http://www.youtube.com/watch?v=SJzCEXmMNmY



فاكر الاغنيه دى

كل واحد و هو صغير كان ليه اغنيه بيفصلها بيحبها
زمان و انا صغير ( حتقولوا منتا صغير ) لا قصدى لما كان عندى 10 سنين كده
كان فيه اغنيه كارتون بيتيجى على القناه الاولى و التانيه بتاعه راجل و ست راكبين عربيه بحصان سايقها أسطى حد فاكرها
المهم النهارده لقيت استاذ

حطها عنده اخدتها عندى و قلت اكتب للناس كلمتها
و هى عباره عن محاروره بين 3 افراد
سيده
ورجل مرافق ليها
و الاسطى صاحب الحنطور

الـجوز الـخيـل
------------------
الاسطى
الجوز الخيل والعربية
انغامهم كلها حنية


السيده
سوق يااسطى لحد الصبحية


الاسطى
على راسى ياهانم وعـنيا


السيده
الاسطي عاجبني يا ماحلا غـناة
والدنيا يا روحي ماهيش سايعاه
فرحان بالخيل اللى مهاوداة
وحياته فى الدنيا هنية
سوق ياسطى لحد الصبحيه


الاسطى
على راسى ياهانم و عنيا


الرجل المرافق للسيده
ان شد السرعة بايده يمين بيحودوا زى البنى ادمين
وان شد شمال


الاسطى
برضك فاهمين


الرجل المرافق للسيده
قايمين بواجبهم وشوية
سـوق يا سطى لحد الصبحية


الاسطى
خدامك انا والعربية
الجوز الخيل..والعربية
انغامهم كلها حـنية
يشـتغلوا عليها الالاتية
وانا سايق الخـيل والعربية


السيده
سـوق يا اسطي لحد الصبحية


الاسطى
علي راسي يا هـانم وعـنيا


السيده
علي واحدة ونص الخـيل مـاشيـين


الرجل المرافق للسيده
وانا اغني واقول ياليل يا عـين...يــــا عـيـن


السيده
سـوق يـا اسـطـي لـحـد الـصـبـحـيـة


الاسطى
علـي راسي يـا هــانـم وعـيـنـيـا


الاسطى
الجوز الخيل..والعربية
انغامهـم كلها حنية
يشـتغـلـوا عـليها الالاتـيـة
وانا سـايـق الـخـيـل والـعـربـيـة


السيده
سوق يااسطى لحد الصبحية


الاسطى
على راسى ياهانم وعـنيا


الرجل المرافق للسيده
سوق يااسطى لحد الصبحية

الاسطى
خدامك انا والعربية

يارب تكون عجبتكم

و لمشاهده الفيديو
مرفوع على اليوتيوب على الرابط ده

لمشاهده فيديو الاغنيه

http://www.youtube.com/watch?v=70v5M0uwYC4

و شكرا للاستاذ

على تفكيرى بالاغنيه الجميله دى
Ebn Ghanem Ebn Ghanem